Sut galla i gael diagnosis a thriniaeth ar gyfer fy symptomau?

Ar ôl adolygu’r wybodaeth rydych chi wedi’i chasglu am eich symptomau gan ddefnyddio teclyn Adrodd am Symptomau Endometriosis Cymru, efallai bydd eich meddyg yn argymell profion, atgyfeiriad at arbenigwr, a/neu driniaethau’n seiliedig ar y symptomau rydych chi’n eu hadrodd. Efallai y byddwch chi’n cael diagnosis o rywbeth arall nad yw’n endometriosis.  

Er mwyn dysgu mwy am gael diagnosis o endometriosis, ewch i: https://endometriosis.cymru/diagnosis/ 

Gallwch ddefnyddio teclyn Adrodd am Symptomau Endometriosis Cymru i wneud nodyn o’ch apwyntiadau gofal iechyd, profion, triniaethau, a diagnosau. Os oes rhywbeth yn newid yn eich hanes gofal neu driniaeth, gwnewch nodyn o hyn gan ddefnyddio’r botwm ‘Diweddaru eich Hanes Gofal’.