Endometriosis a phobl ag anableddau dysgu
Mae tystiolaeth yn awgrymu bod pobl ag anableddau dysgu yn wynebu rhwystrau ychwanegol rhag cael diagnosis a gofal priodol, gan gynnwys pan ddaw at endometriosis, er enghraifft:
- Staff heb lawer o ddealltwriaeth o anableddau dysgu
- Methu ag adnabod pan fydd rhywun ag anabledd dysgu’n sâl
- Methu â gwneud diagnosis cywir
- Pryder neu ddiffyg hyder i bobl ag anabledd dysgu
- Diffyg cydweithio rhwng gwahanol ddarparwyr gofal
- Gofalwyr ddim yn cael digon o ymwneud
- ôl-ofal neu ofal dilynol annigonol.
Mae Grŵp Seneddol Hollbleidiol y Deyrnas Unedig ar Endometriosis yn argymell y dylai fod gan bobl ag anghenion ychwanegol, fel anableddau dysgu, fynediad at wybodaeth ac adnoddau priodol i’r cleifion.
Mae Endometriosis.Cymru wedi creu fersiynau ‘hawdd eu darllen’ sy’n cynnwys y wybodaeth fwyaf pwysig a pherthnasol ar y wefan.
Mae Adroddiad y Grŵp Hollbleidiol hefyd yn argymell y dylid cynnal ymchwil pellach i gasglu mwy o wybodaeth am anghenion pobl ag anableddau dysgu, fel bod modd gwneud gwelliannau i’r gofal iechyd a’r cymorth a gynigir.
Dim ond un dull yw darparu gwybodaeth hygyrch er mwyn mynd i’r afael â’r rhwystrau at ofal iechyd a nodwyd wrth ddatblygu’r wefan. Mae llawer o leisiau a chymunedau eraill sydd angen cael eu clywed os yw gofal iechyd am weithio cystal ag y gallai, i bawb. Ein nod yw parhau ag ymchwil i ddarparu cynnwys newydd ar gyfer y cymunedau yma maes o law.